«Болашақты іске асыру: жаңа педагогика, трендтер, құзыреттілік»

18-қазан 2023 жылы мектебімізде Алматы қаласы Білім басқармасының "Қалалық білім берудегі жаңа технологиялардың ғылыми - әдістемелік орталығының " тапсырмасына сәйкес ақын, педагог  Мағжан  Жұмабаевтың  туғанына  130  жыл толуына орай  «Болашақты іске асыру: жаңа  педагогика,  трендтер, құзыреттілік» атты АУДАНДЫҚ   СЕМИНАР-ТРЕНИНГ ұйымдастырылды. Оған Әуезов аудандық Білім бөлімінің әдіскері Жунисбекова Гульнар Жунусбековна  және аудан мектептерінен  40-қа  жуық жас маман қатысты. Ұйымдастырушы директордың оқу ісі жөніндегі орынбасары А.Қарымбай. 

Мақсаты: жас мамандарға әдістемелік қолдау көрсету. Білім саласындағы жаңашылдықтармен таныстыру. Танысу, тәжірибе алмасу алаңын  құру.  Семинар-тренингте  ән шашу да, шашу да, би де, сергіту сәті де болды. Қатысушылар квест ойыны арқылы тақырыпты анықтады. Одан бөлек жасанды интеллект, Lesson study, Action research  үдерістері , дебат қозғалысы, сонымен қатар нейро жаттығулардың маңыздылығы да айтылды, көрсетілді. Соңында қатысушылар жағымды пікірлер қалдырды.